Dr Begriff Beylik (türk.: sing. Beylik, pl. Beylikler; osm.: sing. بكلك Beğlik, pl. بكلكلر Beğlikler) bezäichnet die türkische Fürstedümer, wo sich vom 11. Joorhundert aa in Anatolie an dr Gränze zum Byzantinische Riich bildet häi.
D Türke si under em Druck vo de Mongole immer mee gege Zentral- und Westanatolie usgwiche und häi dört Fürstedümer errichdet. Noch em Zämmebruch vom Sultanat vo de Rum-Seldschuke isch Chläiasie vom Aafang vom 14. Joorhundert bis zum Aafang vom 16. Joorhundert in verschiideni Beyliks ufdäilt gsi. Äins vo dene isch das vo de Osmane gsi, wo si in dr Gegend vo Eskişehir und Bursa gründet häi. Si häi iir Riich dank strategische Hüroote und mit erfolgriiche Fäldzüüg gege anderi Fürstedümer chönne vergröössere. So isch no di no im Weste vo Chläiasie en äihäitligs türkischs Riich entstande..
© MMXXIII Rich X Search. We shall prevail. All rights reserved. Rich X Search